Atalanta Bergamasca Calcio

Atalanta Bergamasca Calcio SpA

Ezizena(k)	La Dea ("jainkosa"), Nerazzurri ("beltz-urdinak") Regina delle provinciali ("probintzietako erregina")
Sorrera	1907
Futbol zelaia	Stadio Atleti Azzurri d'Italia edukiera: 24.642 lagun inaugurazioa: 1928
Presidentea	Antonio Percassi
Entrenatzailea	Gian Piero Gasperini
Liga	Serie A
2022-23	5.a
Webgunea	Webgune ofiziala
Etxekoa 　 Kanpokoa

Atalanta Bergamasca Calcio SpA Italiako futbol talde bat da, Bergamo hirikoa. 2024. urtean UEFA Europa League txapelketa irabazi zuen.

Etxeko partidak Stadio Atleti Azzurri d'Italian jokatzen ditu.

Historia

1904an bazen futbol talde bat Bergamon, Bergamasca izenekoa eta 1907an Atalanta izeneko bat sortu zuten. Atalanta jainkosa grekoaren izena jarri zioten. 1920an talde biek bat egin zuten.

Historia luzea duen talde apala izan arren Regina delle provinciali ("probintzietako erregina") izena eman izan zaio, izan ere metropoli handietakoak ez diren taldeen artean historia politena duena baita, 53 denboraldi egin baititu Serie A-n.

Lortu duen lehenengo titulua 1963ko Kopa da, finalean Torino FC 3-1 emaitzaz garaitu zuen. 1987an bigarren final bat jokatu zuen baina SSC Napolik erraz irabazi zion. Honek ordea Europako Futbol Errekopa jokatzeko aukera eman zion, bigarren mailako taldea zen arren, eta final erdietara iritsi zen, lehen mailakoa ez den talde batek lortu duen emaitzarik onena da oraindik ere. Gerora txapelduna izango zen RKV Malinas talde belgikarrak kanporatu zuen etxean zein kanpoan 2-1 emaitzaz irabazita.

1991ean UEFA Kopa jokatu zuen, baina Milango Interrek kanporatu zuen final laurdenetan. 1996an jokatu zuen orain arteko azken Kopa finala eta berriz ere galtzaile atera zen, oraingoan ACF Fiorentinaren aurrean.

2016-17 denboraldia bikaina izan zen eta laugarren postuan sailkatu zen, inoizko emaitzarik onena, 1948ko bosgarren postua gainditu baitzuen. Hurrengo urtean UEFA Europa Leaguera itzuli zen. 2017-18 denboraldian 7. postuan amaitu zuen eta Europa Leaguerako sailkatu zen berriz. 2018-19an denboraldi bikaina osatu zuen, ligan hirugarren egin baitzuen eta Kopa finala ere jokatu baitzuen, txapeldun izan ez bazen ere.Hurrengo bi ligatan ere hirugarrena izan da eta 2021ean Kopa final berria jokatu zuen, baina oraingoan ere ez zuen titulua lortu.

2023-2024 denboraldia bikaina izan zen eta UEFA Europa League txapelketa irabazi zuen finalean Bayer Leverkusen 3-0 emaitzaz garaituta. Bayerrek denboraldi hartan galdutako partida bakarra izan zen.

Uniformea

1907an sortu zenean Atalantak kolore zuri-beltza zuen eta Bergamascak zuri-urdina. Biak 1920an elkartu zirenean kolore urdina eta beltza hartu zituzten.

Atalanta 1907	Bergamasca	1920	klasikoa
2018-19	2019-20	2020-21	2021-22	2022-23

Palmaresa

Italian: 13

• Italiako futbol liga (0): hirugarren 2019an, 2020an eta 2021ean.
• Serie B (5): 1940, 1959, 1984, 2006, 2011.
• Italiako futbol kopa:
  • Txapelduna (1): 1963
  • Finalista (4): 1987, 1996, 2019, 2021

Nazioartean: 1

• UEFAren Europako Superkopa (0): finalista 2024an.
• UEFA Europa League (1): 2024.
• Europako Futbol Errekopa (0): finalerdiak 1988an.
• UEFA Kopa (0): finalaurdenak 1991ean.

Ikus, gainera

• Italiako futbol taldeen zerrenda

Kanpo estekak

• (Italieraz) Webgune ofiziala

• Datuak: Q1886
• Multimedia: Atalanta BC / Q1886